Տրված բառերով կամ նրանց բառակազմական հիմքերով կազմել նախածանցավոր և վերջածանցավոր ածականներ:
Նուրբ, ողբալ, քաղաք, կարմիր, ուժ, հուր, թախիծ, աղետ, բույր, փառք, պողպատ, ածել, հարմար, արևմուտք, վախ, մեղմ, համ, վճար, պոչ, վստահել, լեզու, գրավել, զրնգալ, ձև:
Նրբիկ, ողբալի, քաղաքական, կարմրավոր, ուժային, անհուր, թախծոտ, աղետալի, բուրավետ, փառավոր, պողպատյա, ածական, անհարմար, արևմտյան, վախկոտ, մեղմիկ, անհամ, անվճար, պոչատ, վստահելի, լեզվային, գրավիչ, զրնգուն, ձևավոր։
Հետևյալ բառակապակցություններից կազմել ածականներ և դրանք գործածել գոյականի հետ:
Վեճ հարուցող – վիճահարույց թեմա
հյուրին մեծարող – հյուրամեծար մայրիկ
միշտ բխող – մշտաբուխ հրաբուխ
սիրտ կեղեքող – սրտակեղեք լուր
լուրջ մտածող – լրջմիտ դասատու
բույնն ավերված – բնավեր ծիտ
աշխարհով մեկ սփռված – աշխարհասփյուռ վիրուս
նոր տնկված – նորատունկ ծառ
զարդերով նախշված – նախշազարդ տոնածառ
երկնքի մեջ մխրճված – երկնամուխ շենք
Լրացնել հետևյալ առածների ածականները` դրանք ընտրելով տրվածներից:
Ծանր, պաղ, լավ, սև, անպտուղ, անուշ, զորավոր, շիտակ, արդար, լավ, ոսկե:
Լեզու կա անուշ է, լեզու կա` լեղի:
Արդար յուղը ջրի տակ չի մնա:
Սպիտակ փողը սև օրվա համար է:
Խելքը ոսկե թագ է, ամեն մարդու գլխին չի լինում:
Անպտուղ ծառին քար գցող չի լինի:
Հեռավոր սուրբը զորավոր կլինի:
Ծանր քարը իր տեղում կմնա։
Լավ աղջիկը յոթ տղա արժե:
շիտակ խոսքը հանաքով կասեն:
Լավ հնձվորը դաշտում էլ կհնձի, սարում էլ:
Պաղ ապուր, շան կերակուր:
Հետևյալ առածների մեջ լրացնել հականիշ ածականները:
Ջահելի աչքով աղջիկ առ, ահելի աչքով` ձի:
Գիտունի հետ քար քաշիր, անգետի հետ փլավ մի կեր:
Ծամը երկար, խելքը`կարճ:
Թոկի երկարն է լավ , խոսքի` կարճը:
Գիժը մի քար գցեց ծովը, հազար խելոք չկարողացան հանել:
Խոսքը մեծին, ջուրը` փոքրին:
Փորձված թանը անփորձ մածունից լավ է:
Սև սիրտ, սպիտակ ատամ:
Մինչև հաստտը բարակի, բարակի հոգին դուրս կգա:
Թանկից էժան չկա: